Har Nakaami Ke Baad Ek Raasta Hota Hai

Jab Har Taraf Nakaami Nazar Aaye…

Jab insaan ko har jagah nakaami hi nakaami nazar aane lage, jab lagne lage ke zindagi sirf imtehaan ban chuki hai,

toh us waqt ek kaam zaroor karein —

zehan mein us shakhs ka tasawwur laayein, jisne nakaamiyon ke baad kamyabi haasil ki ho.

Lekin sirf koi aam kamyabi nahi, aisi aala darjay ki kamyabi, jaisi kamyabi insani tareekh mein kisi ne haasil na ki ho.

Woh shakhs

Nabi Muhammad ﷺ ki mubarak zaat hai.

Sochiye…

13 saal tak lagataar takleefein uthayin. Taane, zulm, boycott.

Aap ﷺ par  pathar barsaye gaye,

aur phir bhi aap rukay nahi.

Aaj hum choti si mushkil par toot jaate hain, jabke humein to ushr-e-asheer bhi nahi milta  yaani un takleefon ka daswaan hissa bhi nahi.

Phir bhi shikwa, phir bhi gila, phir bhi bechaini.

Hal kya hai?

Sabr. Aur kaam karte rehna.

Yaad rakhein,

waqt sabse bada marham hota hai. Jo zakhm aaj gehra lagta hai, kal wahi zakhm kahani ban jaata hai.

System se larne ke bajaye,

system mein fit hona seekhein.

Allah ne jo halaat, jo waqiaat aapko diye hain, unhi ke andar reh kar apna best dene ki koshish karein.

Kyunkay agar aap sirf gham khaate rahe,

sirf sochte rahe “mere saath hi kyun?”, toh yaad rakhein:

Is ka koi end nahi hota.

Sabr, shukar aur mehnat —

yahi woh raasta hai

jo nakaami ko bhi kamyabi ki seedhi bana deta hai.